ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានថ្លែងថា ការទាក់ទាញទេសចរណ៍មិនចាំបាច់ធ្វើការផ្សាយពាណិជ្ជកម្មលើទូរទស្សន៍អន្តរជាតិនោះទេ ដោយថាការផ្សព្វផ្សាយដោយផ្ទាល់ទៅកាន់មនុស្សគឺជារឿងទាក់ទាញបំបំផុត។

ថ្លែងក្នុងទិវាជាតិទីក្រុងស្អាតលើកទី១១ នៅរសៀលថ្ងៃទី២៧ ខែកុម្ភៈ ឆ្នាំ២០២៣ នេះនៅរាជធានីភ្នំពេញ សម្ដេចតេជោ ហ៊ុន សែន បានថ្លែងថា ការរៀបចំខ្លួនឱ្យបានត្រឹមត្រូវ ការស្វាគមន៍ទេសចរណ៍ដោយភាពកក់ក្ដៅ សេវាកម្មល្អ និងមានអនាម័យ សន្ដិសុខ និងស្ថេរភាពសង្គមដែលបង្កលក្ខណៈងាយស្រួយ និងសុវត្ថិភាពជូនអ្នកទេសចរណ៍នោះនឹងធ្វើឱ្យអ្នកទេសចរណ៍ដក់ចិត្ត ដែលនឹងផ្សព្វផ្សាយដោយផ្ទាល់ទៅកាន់ពលរដ្ឋប្រទេសខ្លួននឹងនាំឱ្យមានទេសចរណ៍ជាច្រើនមកកម្ពុជាដោយខ្លួនឯង។

សម្ដេចតេជោ ជំរុញដល់ក្រសួង-ស្ថាប័ន និងពលរដ្ឋកម្ពុជាចូលរួមធ្វើយ៉ាងណាឱ្យកម្ពុជាឈានដល់ចំណុចនេះ៕